‘कमरेड प्रचण्ड पुरानो बुर्जुवा शिक्षा सामन्तीहरूको शिक्षा हो’- दिपकराज

राजनीति

गृहपृष्ठ
राजनीति
‘कमरेड प्रचण्ड पुरानो बुर्जुवा शिक्षा सामन्तीहरूको शिक्षा हो’- दिपकराज

‘कमरेड प्रचण्ड पुरानो बुर्जुवा शिक्षा सामन्तीहरूको शिक्षा हो’- दिपकराज

सोमबार, मंसिर २७, २०७८ कर्णालीखबर

काठमाडौं: पछिल्लो समय निकै चर्चा परिचर्चा बटुल्न सफल हाँस्य कलाकार तथा निर्माता हुन् दिपकराज गिरी । हिजो एक कर्यक्रममा नेकपा माओवादी केन्द्रका अध्यक्ष प्रचण्डले पुँजीबादी विस्तारवाद र वित्तिय एकाधिकारको कुरामा विश्वस्तरमै पुँजीबजारमा लगानी बढिरहेको बताएका थिए ।

तर पहिले पहिले पुँजी उत्पादनमा, उद्योगमा लगानी हुनेमा अहिले पुँजीमै पुँजी लगानी भइरहेको र त्यो राम्रो कुरा नभएको उल्लेख गरेका थिए ।

प्रचण्डको उक्त अभिव्यक्ति पछि गिरीले अब ती खाइ नखाइ गरेर लहैलहै मा भएपनि लागेर ४७ लाख डिम्याट खाता खोलेका नव सामन्तहरूलाइ चाहि के गर्ने त कमरेड ? भनि प्रश्न गरेका छन् ।

उनले आफ्नो फेसबुक लामो स्टाटस लेख्दै प्रचण्डलाई प्रश्न गरेका हुन् । ‘प्रचण्ड कमरेडको पुरानो महावाणी– बुर्जुवा शिक्षा सामन्तीहरूको शिक्षा हो’ ।

आज म लेख्दैछू …..

१)प्रचन्ड कमरेडको पूरानो महावाणी -

बुर्जुवा शिक्षा सामन्तीहरूको शिक्षा हो !

यति भन्नाले धेरै मानिस अनपढ नै रहे र अहिले पनि पछुताइ रहेका छन् !

उहॉकै कतिपय कार्यकर्ताहरू अहिले बूढेसकालमा स्कूल गएर त्यहि छुटेको पूरानो शिक्षा पढिरहेका छन् !

२) अहिले फेरी एक्कासी नयॉ महावाणी आयो

शेयर बजार सामन्तीहरूको बजार हो !!!

तपाइले भने जस्तै कतिपय ले कल कारखाना पनि नखोल्या हो र कमरेड ?तर अनावश्यक रूपमा तपाइहरू ले यूनिएनहरू गठन गरेर हडताल गराइ गराइ साहुजी हरूकै बाह्र बजाएर उठिवास नै लगाइयो नि होइन र?

अब आफ्नै कुरा गरौ

फिल्म हल खोलौ भनेको त्यों “फ़िल्म “भन्ने

चिज पनि बिलासितामा पर्ला कि नपर्ला ?

सामन्तीहरूको लिष्ट मै परिएर भोलि फेरी अप्ठेरो पर्ला भनेर सोधेको मात्रै हो कामरेड!

कि ब्यूटी पार्लर खोलौ त?

हुनत धनाढ्यका बूढीहरू , छोरीहरू जाने ठॉउ त्यो पनि पक्कै सामन्तबादी लगानि मै पर्छ होला ?

अब के मा लगानि गरौ त?

अब ती खाइ नखाइ गरेर लहैलहै मा भएपनि लागेर ४७ लाख डिम्याट खाता खोलेका

नव सामन्तहरूलाइ चाहि के गर्ने त कमरेड ?

आफ्नो कमाइ लाइ कॉहा लगाउने त ?

ताकि हाम्रो लगानी सामन्तबादी लगानी नहोस !

प्लिज कमरेड भनिदिनु पर्यो!