जाजरकोट : नलगाड नगरपालिका–८ का हरिबहादुुर खत्री तोरी बारीमा सिँचाइ गर्न व्यस्त छन् । उनलाई चुनावको विषयमा भन्दा पनि तोरी उत्पादन राम्रोसँग गर्न सिँचाइको कामम व्यस्त छन् ।
तीन मुरी तोरी फल्ने उहाँको खेतबारीमा सिँचाइ गर्न कम्तीमा पाँच दिन लाग्छ । सिँचाइको काम पछि तोरीमा उम्रिएको झार हटाउन एकहप्ता लाग्ने खत्रीको भनाइ छ । “अघिल्लो चुनावमा प्रचारमा जाउ भनेर नेताले फोन गर्थे, अहिले खासै केही कुरा भएको छैन”, उनले भनेका छन् ।
उनी भन्छन, “चुनाव पाँच वर्षमा आउँछ, खेतबारीको उत्पादनले हर समय काम लाग्छ । यहीँ उत्पादन बिक्री गरेर दैनिक समस्या टार्नुपर्छ ।” बिहान भोट खसालेर दिनभरि अरु काम गर्नुपर्छ । अहिले जिन्दावाद र मुर्दावादतीर लागेर गाउँ घरमा सम्बन्ध तितो बनाउन जरुरी नभएको खत्रीले थपे ।
उनी जस्तै अर्का बारेकोट–५ का प्रेम शाहीलाई दैनिक नेताले प्रचारप्रसारमा जानका लागि फोन गर्छन् । मैले खानेपानीको लागि पटकपटक माग गरे तर अहिलेसम्म खानेपानी दिएनन् अनि किन लाग्ने पछि पछि रु भेरी नगरपालिका–५ का सेते बस्नेत भारत कमाइ गर्नका लागि निस्किहाले ।
उनका घरमा ५६ वर्षकी आमा, दुई छोरा र एक छोरी मात्र छन् । श्रीमती लिएर भारतमा जानुभएका बस्नेत चैतमा मात्र फर्कने योजना रहेको उनको आमा पानमती बस्नेतले बताए ।
नातीनातिनीलाई पढाउने पैसा छैन । “छोराबुहारी पढाउने पैसा कमाउन भारत गएका छन्”, पानमतीले भनिन । तिहार मनाएर बस्नेतसँगै गाउँका २३ जना भारत पुगिसकेको छन् । भारतमा पुगेर छोराले फोन गरेको पानमतीले बताइन् ।
उनीहरु त प्रतिनिधिमूलक पात्र मात्र छन् । जाजरकोटका सातै स्थानीय तहमा चुनावको गतिविधि बढेपनि यसप्रतिको उत्साहमा त्यतिसारो उत्साह देखिदैन ।
विगतमा जस्तो भड्किलो पनि यसपटकको प्रचारमा देखिदैन । निर्वाचन आचारसंहिताका कारण सबै व्यक्तिहरु चनाखो भएको नागरिक अगुवा राजेन्द्रविक्रम शाहले बताए ।
कर्मचारी तथा शिक्षकले सामाजिक सञ्जालमा लेख्न सुरु गर्ने वित्तिकै निर्वाचन आयोगले स्पष्टीकरण सोधेपछि अहिले सबै चुप लागेर बसेको शाहको भनाइ छ । गाउँमा पहिलेको जस्तो नारा जुलुस नभएको उनको भनाइ छ ।
उम्मेदवारले सात जनाको सानो सङ्ख्यामा आफूसँग टोली लिएर टोलटोलमा भेटघाट, छलफल लगाएको काम गरिरहेको पाइएको छ । चुनाव खर्चिलो भएपछि खर्च धान्न गाह्रो हुँदा उम्मेदवारले घरदैलोमा सानो समूह बनाएर भेटघाटलाई तीव्रता दिएको बताएका छन् ।
नेकपा (माओवादी केन्द्र)का उपमहासचिव तथा प्रतिनिधिसभाका उम्मेदवार शक्तिबहादुर बस्नेत अधिकांश समय पार्टीको कार्यकर्तामा बस्ने, स्थानीय स्रोत साधनको प्रयोग गर्ने गर्छन् ।
सबै उम्मेदवारले आयोजना गरेको चुनावीसभामा सर्वसाधारणको सहभागिता कम देखिएको छ । भेरी नगरपालिका–३ रामकुमार ओलीले जनता सचेत भएकाले कही कतैबाट भोटका लागि बाध्य पार्ने काम नभएको बताउँछन् ।
कुशे गाउँपालिका–५ का साने नेपालीले सबै अरुले भनेको गर्नुपर्छ भने हामी किन अनाआवश्यक चुनावमा खटिने बताउँछन् ।
